Atuado na braña relata a teima de Luís Salgueiro Pardo, un empresario da construcción acomodado e triunfador na procura do seu pasado. Un segredo familiar, revelado pola súa nai, convértese na chispa que provoca a busca das súas raíces e a verdadeira identidade da súa familia biolóxica.

Luis Salgueiro deixará o temón da súa empresa en mans de persoas da súa confianza e acometerá unha viaxe apaixonada cara ás súas orixes agachadas na Casona do Saviñao e na braña lamacenta de Bouzuás, onde se ocultan, dende hai anos, a Meiga e dúas rapaciñas novas. Unha viaxe na que Luis Salgueiro poñerá en risco a súa propia vida e suporá reavivar unha ferida que, despois de corenta anos, aínda segue aberta.

A represión militar dos anos da posguerra, os receos da xente da aldea, a crueldade dunha implacábel e feroz persecución e unha vida que se vai esfarelando, levarán nunha narración cargada de intriga á descuberta duns froitos que só a porfía dun home pode acadar. Esta novela aborda temas como a corrupción política e empresarial, os modelos de uso do idioma, as relacións interpersoais, o pensamento mítico e as formas de vida tradicionais no mundo rural galego.

• Páxinas: 632
• Encuadernación: Tapa blanda
• Colección: Narrativa