Un afamado escritor, con problemas cardíacos e de creatividade, recibe un suposto agasallo en forma de historia por parte dun ancián moribundo co que comparte cuarto de hospital. O breve e intrigante relato, que aparentemente ten que ver con Castelao e con certos acontecementos tráxicos da posguerra galega, aviva a curiosidade do escritor, polo que iniciará unha investigación na que, en principio, non cre.

Concibida como remate da Triloxía da Ribeira Sacra, «O baile dos estorniños» fusiona de xeito maxistral unha investigación actual, a cargo do escritor e mais dun personaxe con alma de detective, o Reina, cunha escura e sorprendente trama do pasado. Nela mestúrase con poderoso trazo a decadencia dunha familia fidalga coa persecución das partidas de fuxidos do sur de Lugo, o roubo de bebés e a represión do franquismo durante a Guerra Civil e a posguerra.

Logo de varios anos de silencio, reaparece Xabier Quiroga na narrativa galega, combinando realidade e ficción e apoyado nunha lingua vizosa de seu, mergullándonos no espazo épico da Ribeira Sacra, centrado no pazo de Tor, co lugar de Albaredo, o mosteiro das Bernardas e o pantano de Bouzuás como elementos destacados.

• Unha historia dura e cativadora onde ninguén é quen cre ser.
• Fusiona investigación actual cunha escura trama do pasado.
• Ambientada na Ribeira Sacra.