En Isto SI é un Home, Francisco Castro explota a súa faceta como filósofo para situarse no pensamento feminista desde a súa condición de varón. Trátase dun ensaio onde o autor ironiza sobre os mitos irracionais do patriarcado para demostrar, desde unha respectuosa seriedade, como o machismo é mundialmente destrutivo, eticamente peor e cunha decidida e indesexable tendencia á infelicidade.

Hai aquí un manifesto contra a violencia que reivindica insistentemente a liberdade e a diversidade como dereitos irrenunciables de calquera ser humano, sexa el, ela ou ele. A súa lectura é obrigada para quen desexe entender mellor esta revolución ideolóxica do século XXI, a chamada Cuarta Onda do Feminismo.

• Recorre a memoria persoal para ofrecer a confesión emocionante dun autor que propón o reto de seguir o seu exemplo e facerse homes feministas.
• Presenta unha visión vitalista, provocadora e descarnada contra os machistas e totalitarios.
• Reivindica a valentía necesaria para cambiar o mundo.